TARA-KEVITRA (RFE Andria)
Mbola tsisy niantsa
(Nalaina tao amin'ny vetso.serasera.org)
TARA-KEVITRAFa ny soratsora-ndry akia
Tsy mivetso afa-tsy « fitia »
Dia fitiavan’olon-droa
Izay ve no mameno fo ?
Ny fitiavan-tanindrazana
Toa tsy dia tazantazana
Ny amin’ny fiarahamonina
Tsy mba misy nohazonina
Tsy mibahana ao an-tsaina
Sa dia tena mampahalaina ?
Fa ny mpitononkalo* ve
Tsy taratry ny marobe
Ka natao hitondra teny
Izay hitany ombieny ?
Izaho tsy hoe manakiana
Fa variana sy sondriana
Amin’ity tara-kevitra voizina
Sao indray lasa poizina… !
RFE Andria – 27/04/2015
*mpitononkalo = pôeta
--------
Rohy:
Sokajy :
Fiaraha-monina - Tanindrazana