TIA ANAO FOANA (RFE Andria)
Mbola tsisy niantsa
(Nalaina tao amin'ny vetso.serasera.org)
TIA ANAO FOANADia tsy haiko akia Malala an fa tena tia anao foana
Tsy hay feperana ity foko, tsy manaiky ny anoloana
Ilay fitia raiki-tampisaka, vita sikotra ao anatiny
Mihavao isa-maraina, tsy lany andro raha ny datiny
Tsy taitran’ny hafa intsony aho fa dia tia anao tanteraka
Raha sanatria ilaozanao dia hita ho tena reraka
Aminao no ifantohan’ny fo sy saina amam-panahiko
Tsy mba manan’inon’inona fa ianao no hany ahiko
Ilay tokako eto an-tany, ny fitiavanao no harenako
Andry, tohana ho ahy, sady tehina itehenako
Fibanjiko rehefa indro aho fa tojo zava-tsarotra
Ny fitiavanao ahy no raisiko tsy an-kiady varotra
Na rahoviana na rahoviana raha misy ny fotoana
Ny fitiavako anao tsy maintsy eo hatrany ho tsaroana
Dia tsy haiko akia Malala an fa tena tia anao foana
Tsy hay feperana ity foko, tsy manaiky fanoloana
RFE Andria – 11/05/2015
--------
Rohy:
Sokajy :
Fitiavana