VAKIRAOKA (RFE Andria)
Mbola tsisy niantsa
(Nalaina tao amin'ny vetso.serasera.org)
VAKIRAOKASoratsoratra toa vakiraoka
Ny renihevitra, ao no voafaoka
Ny firavany izay ny sarinteny
Dia tsikaritra ombieny ombieny
Rehefa tonga mantsy ny aingam-panahy
Ny poeta tsy tafandry lahy
Avy hatrany dia mandray penina
Manoratra tsy hay afenina
Eo mitosaka ny avy ao am-po
Ilay mpanoratra toa lasa ambiroa
Ka toy ny efa tsy ety an-tany
Fa ny sainy efa lasa any ho any
Ny asa miandry azy sisa
-Ny fanahiny no mamisavisa -
Dia ny lamina izay handrindra
Ho asa soratra kanto indrindra
RFE Andria – 03/06/14
--------
Rohy:
Sokajy :
Aingam-panahy