VITA SIKOTRA (RFE Andria)

VITA SIKOTRA

Malala an !
Vita sikotra ato am-poko
Natao sary maro loko
Ilay anaranao lalaiko
Mba tsy ho afaka ato an-tsaiko.
Ilay endrikao sariaka,
Ny tantaran’ny fitiavantsika
Nanomboka ny niandohany,
Ny fizotrany hatrany…
Ny nofinofiko anao,
Ny hanta sy ny angolanao,
Dia voasoratro avokoa
Noraketiko ato am-po.
Ny bikanao soa sy kanto,
Ilay famindranao milanto,
Vita sary hoso-doko
Tsara rafitra ato am-poko.
Tena laniko tsianjery
Tsy misy miafina na miery
Ny mombamomba anao rehetra
Ry ilay tiako ts’isy fetra
Satria,
Ato am-poko no voarakitra
Ka manjary tsara tatitra…

RFE Andria – 31/07/14
--------