VOATOKANA ! (RFE Andria)

(atolotra sy nosoratana ho an’ireo nivady noho ny fifankatiavana)

VOATOKANA !

Ny vadiko tsy azo kitihina
Voatokana, tiako homarihina
Ny fitiavany : ahy samirery
Tandremonareo manirery!

Ny fony voatokana ho ahy
Ny vatany, sainy, fanahy
Dia samy efa ahy avokoa:
Izany no voadinay roa

Tsy hoe izaho no saro-piaro
Fa mbola misy any olona maro
Ho an’izay mbola mpitovo
Fa ny ahy avelao ho ato am-bovo

Ny fiarahanay toa lamban’akoho
Maty vao hoe misaraka koa
Izay no voadin’ny fanambadiana
Nifanaovanay tia sy tiana

Ny vadiko, vadiko irery
Tsy zaraiko amin’ny tia jerijery
Nifanokana mantsy izahay:
Hifankatia ho mandrakizay!

RFE Andria – 08/10/2014
--------