NY HO AMPITSON'I GASIKARA (TSIFERANA)

Asa ianao raha mahatsikaritra fa...
Efa taratry ny ankaso,
Raha ianao manopy maso.
Ny hanjo ny firenena,
Hono mantsy mahaleo tena.
*
Ankalazaina izao ny fety,
Atao izay fantatra fa mety,
Hirehavana amin'ny hafa,
Fa ny gasy hono mbola hafa!
Saingy nofy ihany anefa fa...
*
Matsatso loha toy ny fary,
Manivaiva an-janahary,
Amin'ny saina tsy mitsinjo,
Manao kely tsy mamindro.
Valalanina ny saina fa...
*
Ny hafa tambatambazana,
Hivarotana ny tanindrazana,
Fa ireo gasy mihary sy mitady,
Tarihana ho any an-kady,
Ny tena mahavariana aza dia...
*
Ireo harendrin-taratasy,
Efam-bidintsika gasy,
Nosoloin'ireo vahiny,
Izay eritreriny sy tiany.
Tsy ho momoka aho anefa fa...
*
Hiandrandra hatrany ny maraina,
Mba hisy iray ho tonga saina,
Hanasoa sy hanatsara,
Ny ampitsonao ry Gasikara.
Ireo mpitondra miady seza!


#TSIFERANA (21/06/2018)
--------