NY METY AMINTSIKA - Ainampaniry Anjara Nivo

NY  METY  AMINTSIKA

Mahazo mifona raha toa mahatadidy,
Mahazo mangataka ho namana indray.
Fa raha ny fitiavan'ny foko efa mihidy.
Efa mikatona ho an'olona iray!

Tsy azo vohaina hitia izay nivoaka
Tsy azo iverenanan'ny lasa tsy tana.
Fa ato efa feno fitia ny kapoaka
Tsy foiko ho tampohana rano mafana.

Tsidiho ilay malalan'ny fonao fahiny
Raha toa efa maina ny ferinao any
Fa raha ny hifamerina kosa, "aza tsiny";
Ny mety amintsika: mpinamana ihany!

Dia aza mikiry manjono ny foko,
Fa izy efa fay tamin'ny zavatra vita
Ka ialàko tsiny raha toa hadisoako hoe:
"Mpinamana ihany no mety amintsika"!

Avia manatòna raha toa mahatadidy
Tongava mangataka ho namana indray
Fa raha ny fitiavan'ny foko efa mihidy,
Mihidy ho an'ny vadiko mandrakizay!

Ainampaniry Anjara Nivo

Hevitra mandeha

Ilay FANAMBY (26/09/2021 08:09:09)

Zany ve,misaotra anao aloha fa io no nahazo ahy vao tsi ela akory a,tokony mba omena fakaherezana re a

Mombamomba

Mpanoratra : Ainampaniry Anjara Nivo

Nampiditra : Ainampaniry Anjara Nivo
Daty : 24/09/2021
Mpamangy : 185
Mankafy : 2

Tononkalo hafa

SAINO KELY
NISARAKA IANAREO
'NDEHA LAZAO
Voafitaka? Tsy mendrika h
MANGATA-PAMELÀNA
DIA IZAY ILAY TANTARA
MAZÀNA NY OLON-KENDRY
NITSIMOKA
MATOA NAVELA HISY
TSY HOE RAHA TSY MITENY