TONGAVA SOA (AnjaraNivo)

TONGAVA SOA

Mikisaka mora manaraka ny andro,
Mihavery mihavery ny fahavelomana.
Tsy maintsy mitranga ny loza sy atambo,
Ka firy amintsika no mba efa niomana?

Ny tany fisiana koa lalana ihany;
Lalovana fotsiny saingy mandavo.
Raha ho avy izany ora tsy ampoizina izany,
Ny anaranareo ve mba fantatry ny avo?

Marina, ekena, olombelona isika;
Mibebaka dia miova lalana indray.
Fa raha te ho mponina any am-paradisa
Dia miala amin'izay foto-kevitra izay.

Azy mpandahatra ny antso rehetra,
Tsy tsinin'ireo olon-dasa voaloha
Fa ny fiainana iainana etÿ manam-petra;
Veloma, masîna dia tongava soa!

AnjaraNivo
--------