SEDRAO (AnjaraNivo)

SEDRAO

Sedrao dieny mbola tsy zatra hirifiry
Ny nofo 'zay tsapa fa tena malemy!
Fandrao tsy hahatanty, tsy hahovoka firy:
Ny ady hampanaovin'ny fiaina-mahery.

Sedrao hahatakatra ny avo sy iva,
Ny saina tsy mahay ny soa sy ny tsara!
Fandrao hofitahin'ny lainga voarindra,
Ho diso adiresy amin'ny zava-tsy anjara.

Sedrao ho vodoana ny fo be fitia,
Ampahafantaro ny tena mangidy!
Fandrao hofitahin'ny fon'olon-dia
Ka ho gadra tsy hanana fanalahidy.

Ainampaniry Anjara Nivo
--------