Ny Anjara (ANDRIANAIVO PAUL )

Aiza ny anjara izay hoentin'ity fiainana,
Mampitoloko irery tsy misy hitarainana,
Ny hoavy toa maloka manetry ty fanantenana,
Mibahana ny saina tsy misy handrandraina...

Aiza ny anjara toa sento sy alahelo,
No injay vetson'ity foko mamerovero,
Ny lasa manjary ratra ka mitoetra,
Mandrotika ny fo mitady hitroatra...

Aiza ny anjara fa toa miha alavitra ny fiainako,
Ilay masoandro nandrandraina hamelona ny fanahiko,
Toa simba ny fo sy ny saina maty manantena,
Fa kay moa lavitra sy midezaka ilay fandresena?.
--------