NY IANAO - ANDRIANAIVO PAUL

Azo vakiana?

NY IANAO
  Tazako manangasanga,
Anaty tsikinao malefaka,
Ny aim-panahy ilain'ny fiainako;
Toa masoandro diva hitranga,
Takontakona fipetraka.

  Misoritra eny an'endrikao,
Miran-dava sy sariaka,
Ny diom-pitiavana katsahiko;
Atosaky ny masonao,
Mihantahanta fibaliaka,
Ka mambabo ny fanahiko.

  Ny fihetsikao mirindra,
Maontimaontina fidola,
Mampiseho ilay raki- miafina;
Diamondra tsy azo afindra,
Sarobidy tsy azo am-bola,
Toetra tiako hotahafina.

  Ny "Ianao" manintona ahy,
Dia "Ianao" tsy hita maso,
fa mandreraka ny fo;
"Ianao" voakoja tsara
tahy,
Mamiratra fangasohaso,
Manjelatra toa vatosoa.

  "Ianao miatrika fijoro,
Anaty tsiky tena miavaka,
"Ianao" mirehi-tsy voadoro,
manana afo tonga ravaka,
"Ianao mitafy fahadiovana,
Voatenonao hatram'izay;
"Ianao tsy ho ravam- pahalovana,
Haharitra mandrakizay..!

Hametraka hevitra

Midira aloha

Mombamomba

Mpanoratra : ANDRIANAIVO PAUL

Nampiditra : andrinaivopaul2016
Daty : 18/09/2020
Mpamangy : 210
Mankafy : 2

Tononkalo hafa

Ny Anjara
TENA FITIAVANA
TSIKY TOMANY
FAHATSIAROVANA
KIVAZIVAZY
MON AMOUR
RAHA MATY AHO
TIAKO NOHO IANAO
INDRISY MANTSY
DADA