RAHA MATY AHO - ANDRIANAIVO PAUL

   Raha maty 'zany tenako,
Aoka tsy hitomaniana,
'Lay tranobongo izay fonenako,
No aoka kosa ho vangiana,
Fa voarakitra ao daholo,
Ny fiaimpiainako manontolo...

   Raha maty 'zany tenako,
Aza saloran-damba mainty,
Fa lamba fotsy mangoratsaka,
No andrakofy ny fanahiko,
Efa vonona hikatsaka,
'Lay hany tena fiadanako...

   Raha maty 'zany tenako,
Aza entina am-piangonana,
Na hitadiavam-pasan-drazana,
F'aoka lohasaha mangina,
Tany kisolo sy efa ngazana,
No mba handevenana ahy...

   Ka tsisy hahalala intsony,
Na ny tantarako na ny fiainako,
Na ny anarako na ny fisainako,
... Indrindra fa ny fasana hilevenako...!

    02/11/2016

Mombamomba

Mpanoratra : ANDRIANAIVO PAUL

Nampiditra : andrinaivopaul2016
Daty : 19/02/2017
Mpamangy : 1595
Mankafy : 1

Tononkalo hafa

NY IANAO
Ny Anjara
TENA FITIAVANA
TSIKY TOMANY
FAHATSIAROVANA
MON AMOUR
TIAKO NOHO IANAO
INDRISY MANTSY
DADA
TSY HAIKO