Embona masiaka - andriary

Azo vakiana?

Misy jery mankafy
Mitazana eny lavitra eny
Ny tombantomban'endrikao
Jery ampoka fitia
Fa mangina tsy miteny,
Angamba babo tsotr'izao!

Misy embona tsy tana,
Te-hiampoka mangina
Topi-maso kely fotsiny!
Arahin-tsiky sy hafanana
Ka ny sombim-paniriana
Ny hanimbolo zany fofony.

Misy tsiaro iray monja,
Maminany tora-pasika
Somambisamby any an-tsiraka.
Njao tsaroako fa manonja
Anatiko any miasikasika
Mivezivezy toy ny firaka!

Misy fo sahy mitempo
Mivolon-ko anao sahady,
"Foko tia" mahery setra.
Ka tsiahy indray misento
Sahy mamohafoha ady...
Mihamahery ts'isy fetra.

andriary