MPAHARY MATIHANINA (andriary)
Mbola tsisy niantsa
(Nalaina tao amin'ny vetso.serasera.org)
Raha vao nahita anao nandalo sy niseranaNandravak'iny lalan'iny mitombam-panaperana
Nahoana no tsy hiontana ny ato anatiko rehetra
Fa ny hatsarana nentinao satriko tsy hanam-petra!!
Ny bikanao indray mijery dia ny lafatr' aok'izany
Na tsy misy ny tanteraka azo indramina eto an-tany
Dia manambara ny hakanton'ny mpahary izay namorona
Tafaombina aminao ,reo kanto mitangorona!
Ny endrikao tsy misy fitaka raha jerena ety ivelany
tontolo feno fiadanana no sarin-kafatra avelany
angamba hatrany anatinao misy tara-pahazavana
misy fo feno tsetra mitahiry hafanana!
Ny tsiky izay natolotrao moa tsy tokana aman-tany
mitosaka eo imolotrao sy mitondra teny mamy
zato nifinao botsiaka noravahan'ny fandainga
ny fahatsoranao ambarany inoako fa tsy misy lainga
Ny tontolom-piainanao dia tontolo tonga lafatra
Misy hery sy fitiavana,hazavana miparasaka
satriko ho hita foana ,fa raha tsy hita mahamanina
Isaorako ny Andriamanitrao,fa Mpahary matihanina
andriary
( 2004 lohataona )
--------
Rohy:
Sokajy :
Fitiavana
Hevitra mandeha
pissoa
(
08/02/2006 15:57)
Hmmm - mpanoratra matihanina
SOBIKA
(
04/03/2006 05:18)
sôtra ehhhhhhhh
soari25
(
19/05/2006 09:10)
andray !!! tena mety !!!!
zonia
(
22/12/2011 14:40)
Misaotra e! Tena lohataona marina t@ io fotoana, hany ka vokatra be ny aingampanahin'i Andriary.
artinahani
(
06/05/2013 12:21)
lafatra e!tsy mahateny ny mpamaky!feno tanteraka ny tian'i Andriary ambara!mampahery hanohy hatrany!
ny mpankafy
ny mpankafy
artinahani
(
06/05/2013 12:33)
lafatra e!tsy mahateny ny mpamaky!feno tanteraka ny tian'i Andriary ambara!mampahery hanohy hatrany!
ny mpankafy
ny mpankafy