Ny marina? (Bana Rahalahy)
(Nalaina tao amin'ny vetso.serasera.org)
Maty ve ny marina?Ny marina?
Sss !!!
Raha ny tena marina
Marina raha tsy azo amboarina !
Fa inona no tsy ho vita
Raha ianao mahitahita?
Ny marinan'ny be vola
No marina tsy mety tola
Ny marinan'ny be basy
No marina tsy mety maty !
Ny marinan'ny kely sandry
Voahitsakitsaka dia dangy !
Mba te hiarina nefa voatsindry
Ka ratsy fiafara any an-dava-piringy !
Ny marina?
Nofy sisa !
Nofinofy mamintsika !
Bana Rahalahy
--------
Rohy:
https://vetso.serasera.org/tonokalo/bana-rahalahy/ny-marina
Sokajy :
Fiainana
