onjam-piainana (cedric tolojanahary)

Nantsain'i
(Nalaina tao amin'ny vetso.serasera.org)
ekena na dia mafy aza
'zany onjam-piainana.
hihafiana na dia marary aza
fa tsy nataoko hitarainana
satria anjara efa voalahatra
ho diaviko eto an-tany
ireo fahoriana, fijaliana
fisedrana sesilany

indraindray aho mitanondrika,
sy mila hamoy fo
mieritreritra ny lasako
sy ireo vita teo aloha
Saingy manantena aho,
fa 'ndray andro any mbola hisava
ireo haizim-pito mitandavana,
ka ny hakiviako dia ho rava

hisolo hafaliana
ka ho heni-kasambarana
rahoviana anefa izany e ?
Dia mbola hisy ve fiadanana
mino anefa aho
fa raha mbola ao koa ilay Tsitoha
dia tsy hamela ahy ho irery
amin'ny ady izay manjo.



Cedric tolojanahary
Na
Alahelon'ny fanahy
--------
Rohy:
1227 1
Hametraka hevitra
Midira aloha
Momba ny tononkalo
Mpanoratra : cedric tolojanahary
Nampiditra : cedrictolojanahary04
Daty : 04/06/2019 03:03
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.1139