Tsy misy lohan-teny (cedric tolojanahary)

...

Hiezaka hionona ny foko tia anao.
Hitia anao mangina,tsy mba hiloa-bava.
Hikobona azy am-poko,fotsiny amin'izao.
Na dia tena tia,sy tena babo aza.

Hanoratra tantara,tsy misy lohan-teny.
Hitantara anatiko,ny momba ahy sy ianao.
Mantsy izato foko,efa zatra ny ho irery.
Ka aleoko akia mamoy...fotsiny amin'izao.

Mantsy...io fitiavana io,akory tsy an-tery.
Fa mila fo mitempo,mahay miara-dalana.
tsy mety ny olon-tokana,raha hitia samy irery.
Fa mila olon-droa,mahay mifampitantana.

Mety tsy isika roa,no voasoritra ho anajara.
Ka aleoko aki faranana,havadiko ny pejy.
Hiezaka aho hionona,hanova ny tantara.
F'ilay izaho tia anao...hevero ho rediredy.

ANTSONY FANAHY
na
Cédric TOLOJANAHARY
--------