Aloka (EMI RAOELISON)

Lalina tsy misy farany
Ny eritreritra mandeha
Fantarina alaina ho namana
Tsy takatra tsy voafehy

Ivelany no amboarina
Tefena mba tsy ampihomehy
Anatiny saro-tsitranina
Nanova ny hatsara-tarehy

Nieritreritra irery
Tsy nizara fa voarara
Nijaly saina sy niery
Nihazona ilay tsy ho tana

Tsy tiana anefa nihafina
Holana saro-bahana
Ahodina dia mody arina
Miverina tsy hay rarana

Nositon’i tory anefa
Io ao hiany ilay tsy ho tana
Aloka toa fetsifetsy
Mitady anakona hafanana

SORATRY Mi Raoelison
--------