Madagasikara (EMI RAOELISON)

Mamiko ianao
Tiako sady hanitro
Fifaliany saiko
Sitrako fa taniko

Tsy sarako mihintsy
Izato bikanao
Toa maro mpaka fia

Na mahantra aza
Tsy menatra mijoro
Sy tena be mpitia

Ilay sarisarinao
Mitongotr'akavia
Mailaka sy kinga
Mahavariana ery

Gaga ireo mpandalo
Mijery izato ianao
Ao ampovoa-ndrano
Mena tia mikalo

Sy ireo tahirinao
Mamiratra tsy lo
Ambony sy malaza
Miraky java-tsoa

Kanto ianao ry Nosy-ko
Sarobidiko tokoa
Tsy miala eto ambozonako
Ny sarinao izay soa

Babonao ty foko
Ry Nosy-ko ry taniko
Ka tsy haiko ny angiana
Tsy andefa ny vinaniko

Soratry Mi Raoelison le 28 Fevrier 2005
--------