Tahiry (EMI RAOELISON)

Tahiry tsiaro fahantsiarovana
Tadidy fa tsy hoe taraina
Voarangotra tsy hay nafenina
Narafitra tsy ho very maina

Tsiaro dia nontantaraina
Izay nahasorena koa voateny
Holan’i hafa mba nozaraina
Voarangotro ao daholo ireny

Rangotra fa mitahiry
Na dia namizana ny saina
Mamy nampangirifiry
Andry najoro mba ho aina

Rakitra ilay tahiry
Zava-kanto sarobidy
Romi ilay zaza mahavarina
Dina ilay fatotra mihidy

Hezaka tsy fohy hiraraka
Voasoratra ary voateny
Tahiry ho an’ireo taranaka
Ireo, no dia-ndrangotro ombieny


SORATRY EMi Raoelison
--------