You are here: home > Vetso

HASIN'NY TENIKO - Fano

Asandratro indray ny hasin'ny teniko
Tsy hahetriko intsony fa sao dia ho neniko
Asandratro indray ny hasin'ny teniko
Kabary malagasy,izay no ventesiko

Asandratro foana hanenjika ny avo
Hivavahako hatrany ho eo an-tanan'ny Avo
Asandratro foana, maraina,hariva
Dia hiely hatrany izy mandrakariva

Hitodihako ny lasa,
Atrehiko ny androany,
Tsinjoviko ny ho avy.
Ny hasin'ny teniko asandratro hatrany

Na inona hidona,
Na inona hiantra
Iezahako hatrany
Ka tsy maintsy ho tratra

Dia ho sambatra ny taniko
Ho tretrika ny Nosiko
Raha lavo akariko
Tafajoro atosiko
*02270615A8B

Hametraka hevitra

Midira aloha

Mombamomba

Mpanoratra : Fano


Nampiditra : famoha
Daty : 11/08/2016
Mpamangy : 589
Mankafy : 1

Tononkalo hafa

MIRINDRA
TENIKO
KANTO MITARAINA
ANGAMBA
FA NY FOKO
DIA
VENTSO AN-TANY KARAKAINA
VONINKAZO
TENINDRENY
HARENA2