NOHEVERIKO - Fidy Art Niaina

Azo vakiana?

Hazavana nandalo nantenaiko hitsilo
Tsy naharitra fa nandalo dia lasa
Raozy mba tiako fa hay misy tsilo
Antsy maranitra, indrisy, nandrasa

Noheveriko ho rano hanamando ny tenda
Ka dia nandramako, indrisy, namono
Ny lokony fotsy mampilendalenda
Hay ito poizina fa tsy ronono

Noheveriko ho ondry malemy fanahy
Hay amboadia no indro nompiana
Nanantona hisangy aho tsy nisy ahiahy
Kinanjo nokakerin'ny amboakely tiana

Noheveriko ho vorona saraka namana
Ka nompiako mba ho tamana
Nataoko hitsikitsika mba hivavahana
Hay papango nifaoka ny akoho an-tanàna

Noheveriko ho tany mba azo hijoroana
Hay honahona zary mandetiki
Noheveriko hahatratra ny ora-midona
Hay tsy nahandry masoandro milentika


Fidy Art Niaina in Vetso III

Mombamomba

Mpanoratra : Fidy Art Niaina

Nampiditra : Fidy Art Niaina
Daty : 05/06/2019
Mpamangy : 682
Mankafy : 0

Tononkalo hafa

NY LASA NIARAHANA LEITSY A
IRIKO
HERIM-PITIA
TSY HO FOANA
TOKANA
Ny Tononkirako
NY NAMPISY ANAO ETY
ILAY FASANA HO LAPAKO
ALEOKO MATY
VELOMA RALALA