Ny fibediko azy ireny (heritreritro)
Mbola tsisy niantsa
(Nalaina tao amin'ny vetso.serasera.org)
Tompo รดNy fibediko azy ireny
Ny hatezerako niteny
Isaky ny hananatra azy
Dia hifonako avokoa
Ny fitreronako azy ombieny
Na tsy tiany na nekeny
Ireo famaizana sy sazy
Noheveriko hanasoa
Ireo kapoka sy tsongo
Izay zary nampihombo
Ny alahelo tato am-poko
Sy nananany toloko
Hifonako Aminao daholo
Amin'ny foko manontolo
Na dia hoe fitiavana aza
Fa nampalahelo zaza
Tsy voatery hisafoaka
Tsaratsara ny mitony
Sao vazavaza mampitsaoka
No hilentika ao am-pony
... Tahotra no ho tsaroany
Amin'ny teniko rehetra
Ka ho ritra tsy hay sotroina
'Zay anatra niriako hitoetra!
Indrisy efa nitranga izany
Ka hitalahoako Ianao
Aoka ho foana ny tomany
Nitsiry tao am-pony tao
--------
Rohy:
