You are here: home > Vetso

TSY AO IZY! - hjravs

Azo vakiana?

TSY AO IZY!!
(Atolotra ho an'i Z..., mpanao trano,
ampiarahana amin'ilay hiran'i "ZOPANAGE: Namana")

Izy, letsy namana
mpanolotolo-tanana,
tsy nanana fandavana
raha nisy nitadiavana,
sakaiza mahatoky
mpananatra toa zoky,
azo antoka ho andry
'lay faniraka toa zandry.
Fa matetika dinganina,
indraindray hodiana fanina,
raha misy nitarainany
ho tsy ampy tamin'ny fiainany!

Izy, ho'aho 'lay sakaiza,
nanampy hatraiza hatraiza
tanivon-java-tsarotra,
tsy nanisy, hoe, adi-varotra,
tsy nila niangaviana
raha nitadivam-panampiana,
be fandavan-tena
raha nilàna famonjena.
Fa izy tsy nananana
henamasom-bali-tanana,
nihodinana mazàna
fa mamofom-pahantrana!

Lasana izy iny,
nentiny any koa 'lay sombim-panampiany,
vao mahatsiaro fahabangana
ny bandy akama
eto an-tanàna,
fa tsapa mihitsy izao
'lay izy hoe "Tsy ao!"

HjRavs (Kanto arindra tak. 41)

Sokajy : Alahelo, Fitiavana, Namana

Hevitra mandeha

andry 1000 (03/04/2015 04:18:46)

tsy ao izy fa aiza ? tena le fiainana mihintsy zany tantarainareo izany a !!! azo antoka ho andry
'lay faniraka toa zandry.
Fa matetika dinganina,
indraindray hodiana fanina

tena io mihintsy ny fanaonay taminy mbola kely

hjravs (03/04/2015 04:23:00)

Fa tsy tamin'ny mbola kely ihany, RaAndry 1000, fa ny namana tena namana tsy manary amin'ny sarotra e!

Mombamomba

Mpanoratra : hjravs


Nampiditra : hjravs
Daty : 03/04/2015
Mpamangy : 666
Mankafy : 0

Tononkalo hafa

FITORIANA
LOKO TOKANA
14 febroary
KILASIMANDRY
TRANGAM-PIAINANA
Tantara
ALEOKO
5/5
Tantara : FONJAN'OLO-MARINA
AVERENO NY SARINY