"MAHANTRA NY HAVANAO!" (IaroMalala)
Mbola tsisy niantsa
(Nalaina tao amin'ny vetso.serasera.org)
MAHANTRA NY HAVANAO!Malala a!,
Tsy mpanjaka nge ny foko e!,
ka tsy mendrika ahy ny angola.
Fa mpangataka eny an-dalana
tsy manan-kaja dia voarora....
Tsy irony be harena
mpanefoefo sy malaza....
Fa mpiandry vavahady
zatra gidra sy kotaba.....
Mafy ady ny havanao ,
mpitrongy bozaka an-tanety....
Ka raha toa tsy sitrakao, dia:
Mitadiava metimety e!...
Tsy mba mpanenjika lamaody,
na mpiangaly ny hatsaràna...
Ka tsofin-drano ianao Rahavako
raha toa ka tsy tamàna a!....
IaroMalala
"Aprily-2013"
--------
Rohy:
Sokajy :
Fitiavana
