ADALO 2015 (ikaloyna)
Mbola tsisy niantsa
(Nalaina tao amin'ny vetso.serasera.org)
ADALO 2015Rahona milondolondo,
manafina masoandro
hamafa ny tomanin'ny tontolo toa torovana,
ana, vonton-drano,
konka, bobongolo.
Ny hirako ihany koa :
indro farimparina,
tsy sahy hanara-dia
ny Valiha mitaraina ;
efa ho hefarana
anatin'ny Adalo
(angamba mbola hitohy).
Mosarena loko
'ty fafako mangotana,
feno loko mainty,
nanantena maitso
nentinao ry Rano.
Kinanjo, tinafinao fahalovana
ity Dongon'Imiadana
ka zary montsamontsana !
Ikaloyna Vony
04/03/15
--------
Rohy: