ANY HO ANY (ikaloyna)

Ny saiko mankany
tsy mety hitoetra
(ny foko eto ihany)
manao amboletra
misidina any
tsy fantatra " ho aiza ? "
- mankany mankany ...

Tsia !
Ny foko tsy eto,
fa, lasanao any :
ianao ilay tsy hitany
kanefa dia tiany,
tinadiny hatraiza,
tsy hainy " nahoana ? "
tiany eny foana.

Ny saiko mankany,
ny foko tsy eto,
izaho ento any !
Honi-mazana
an-drahona irony
tamana tamana,
tamana any ho any ...

Ikaloyna Vony
30/05/15
--------