NY ANDROKO (ikaloyna)
Mbola tsisy niantsa
(Nalaina tao amin'ny vetso.serasera.org)
NY ANDROKOMaizin-tsy hariva ny androko eto,
ny tany hitodiako tsy tazako hatreto.
Ny lalan-kodiaviko lavitra loatra ...
Tsy afa-mihoatra
irony dongo-miavosa
ity elatro kely,
ity elatro osa,
toa ravi-manjeny
atopan-tafiotra :
mivezika atsy,
mironjona aroa,
tsy fantatro ho aiza ? ,
tsy haiko mazava
hatramin'izao ...
Maizin-tsy hariva ny androko eto,
maizina antoandro ka lasa ny sento.
Ikaloyna Vony
17/09/15
--------
Rohy:
Sokajy :
Alahelo - Aingam-panahy
Mpakafy:
mrandrianarivao15