PEJY SY PENINA (ikaloyna)

PEJY SY PENINA

An’efitrao mangina
Jiro kely tokana
Mitsilopilopy
Madiva ho lany solika …
Nanoratanao vetsom-po miafina
Tsy sahinao lazaina
Tsy vita tantaraina
Fa azoko kisary …
Kisary zary soratra
‘Lay penina mangovitra…
Toa ritra ranomainty …
Kanefa te hitety…
takelaka tsy foy
(toa pejy rimbondrimbona)
soratra ho kisary
… kisarim-boninkazo
Voninkazo dia ...
Satrinao hotazana
Nefa, mahatahotra …
"'ty vonin'ny fitia"

02/07/14
ikaloyna
--------