Aza gaga ianao! (ikemba)
Mbola tsisy niantsa
(Nalaina tao amin'ny vetso.serasera.org)
Aza gaga ianao,Raha toa ka nirotsaka ny ranomasoko iny amorom-patana eo!
fa manimanina aho.....
Manina an'i neny, ilay ony fitodiako saingy efa lasana...
manina ny zoky nahafoy an'Iarivo noho i ravola ihany,
manina ilay tiako nofisiko mangina am-poko lalina ao,
ka aza manahy ianao!
fa tsy ianao akory no hoe nandratra ahy,
na izaho no hoe kivin'izato adim-piainana mianjady lava izao
fa ilay saiko adala,
no mbola manatena, mikiry tsotr'izao!
miandry ireo hipody, tena mirediredy e!
Tia ny efa nandao............
--------
Rohy:
Sokajy :
fiainana
Hevitra mandeha
raozigasy
(
23/07/2010 09:27)
Tsy nahagaga ahy akory , raha korian-dranomaso,
No nasetrinao ireo lasa, s’ireo nindaosin’ny ankaso
K’ilay ranomaso amorom-patana, nijoy tan-takolakao
Noho ny hanina an’I neny, sy I zoky izay nandao
Tsy nahagaga ahy velively, raha naratra ny fonao
Tsy noho izato adim-piainana, mianjady lava izao,
Fa noho ireo lasa tsy hipody, ireo dila tsy hiverina
Nobosesehin’ny tsiaro, ka ny ratram-ponao niherina
Tsy nahagaga ahy mihitsy, raha toa ianao adala saina
Satria mbola manantena, ireo dify nolalaina
Hoe mbola hiverina aminao, mbola hisy atri-tava
Ka mampandrotsaka tomany, ao anaty kombom-bava
No nasetrinao ireo lasa, s’ireo nindaosin’ny ankaso
K’ilay ranomaso amorom-patana, nijoy tan-takolakao
Noho ny hanina an’I neny, sy I zoky izay nandao
Tsy nahagaga ahy velively, raha naratra ny fonao
Tsy noho izato adim-piainana, mianjady lava izao,
Fa noho ireo lasa tsy hipody, ireo dila tsy hiverina
Nobosesehin’ny tsiaro, ka ny ratram-ponao niherina
Tsy nahagaga ahy mihitsy, raha toa ianao adala saina
Satria mbola manantena, ireo dify nolalaina
Hoe mbola hiverina aminao, mbola hisy atri-tava
Ka mampandrotsaka tomany, ao anaty kombom-bava
mikous
(
23/07/2010 10:18)
Misaotra betsaka an'i Raozigasy namaly ilay rediredin'Ikemba e!
Mankasitraka indrindra!
Mankasitraka indrindra!
raozigasy
(
23/07/2010 20:32)
Tsy misy fisaorana hono hoe !!!!
nannie
(
26/07/2010 09:29)
mahafinaritra izany teny malagasy mifamaly izany...
raozigasy
(
26/07/2010 10:48)
Ny fiainana anie ka atero ka alao
Anio mety ho ahy rahampitso ho anao
Anio mety ho ahy rahampitso ho anao