You are here: home > Vetso

Ho any aho - ikemba

Azo vakiana?

Raha nisy  azo natao dia efa novangiako ianao,
saingy hovangiako aiza?
Nofo efa rotidrotika sy tsisy aina intsony sisa ao am-pasana ao!
Fa ilay reniko tsy foiko, nitaiza sy nikolo ahy, indrisy efa tsy ao intsony, ka hamangy an'iza hono?
Sa hamoha ny fota-mandry sy hitolokoloko foana eo an-doha fasana eo?
Nefa hoy aho mantsy anao, raha nisy azo natao dia tonga tany ihany aho!
Hitondra vonindraozy iray mariky ny fitiavako sy ho fahatsiarovako ao am-po,
Fa ao an-trano vato ao no milevina ny havako, ilay tsy manam-paharoa.
Hamangy nefa tsy hanjoretra fa ho feno fifaliana satria mbola tia anao!
Ka izay ranomaso ho latsaka, ho ranomasom-pifaliana tsiahy reo teo anilanao.
Inoako anefa neny tiako f'any andro any taona ho tomombana ny fiainako,
Eny ho ampy ny eo an-tanako fa nambinin'ny Tsitoha , ka amin'izay fotoana izay,
Ho avy aho hamangy anao ary hivimbina eo an-tratrako ilay fitia iombonantsika,
Dia hiantso indray ny anaranao sy hirediredy irery eo an-doha fasana eo.
Ary dia hanomboka eo, na iray novambra io na tsingeritaonanao,
Hamangy anao any izahay,
Ho fahatsiarovana ny lasa sy ho mari-pitiavanay anao!

Sokajy : Fahatsiarovana

Mombamomba

Mpanoratra : ikemba

Nampiditra : mikous
Daty : 18/03/2010
Mpamangy : 1576
Mankafy : 0

Tononkalo hafa

Tsy nahy
Fetiny androany!
Neny
Aza gaga ianao!
Parceque je t'aime
Volon'andro
Ny vady ve?
Mbola tia!
Toy ny vao omaly
Tia sa