...RAHA POETA IANAO - JJF (Jean.Jacques.Fredi)

Azo vakiana?

…RAHA POETA IANAO
( Atolotro ho an’ireo Poeta sakaiza rehetra)

Nandalo teo imasoko tanaty onjam-peo
Navadiko ny boky dia indro koa naneho
Fa Poeta hono ianao
       Poeta ve ianao
       Ka izao tontolo izao
       Sy ny voary manontolo
       No ho raketinao daholo ?

       Poeta ve ianao
       Ka iny volana iny
       Iny habakabak’iny
       No andaninao herim-po ?

       Poeta ve ianao
       Ka hamorona ny tsisy
       Hambaboana izato fony ?
       Sy hitaky koa ny zony ?

       Poeta ve ianao
       Ka ny masony efa bongo
       Nosomparan’ny ankaso
       No fafanao ranomaso ?

       Poeta ve ianao
       Ka vonona hifandramatra
       Hitondra izay filamatra
       Hanompo firenena ?
       Dia mitodi-doha
       Ho an’ilay Tsitoha
       Hisim-pahaleovan-tena ?

                      Eny, azo atao,
                      Fa Poeta koa ianao
                      Raha indro ka manolotra
                      Eo am-poto-molotra
                      Ilay teny mankahery
                      Ireo sahy manao vivery
                      Hamonjy ny Mahantra.


JJF (Jean.Jacques.Fredi)
30 Aogositra 2012

Hametraka hevitra

Midira aloha

Mombamomba

Mpanoratra : JJF (Jean.Jacques.Fredi)

Nampiditra : prismlinecontact
Daty : 30/08/2019
Mpamangy : 71
Mankafy : 0

Tononkalo hafa

ITY HIRAKO…
NY VOLA
… NY ANTSIKA
MATOKIA!
RAHA TSY IANAO…
SAFIDY NIANTEFA
NY FOKO VOAGAFY
POETA SY POETA
SARY...