You are here: home > Vetso

MATOKIA! - JJF (Jean.Jacques.Fredi)

MATOKIA!

Fa sitrako, tsy foiko,
Mamy tsy zaraiko,
‘Lay silaky ny foko
Mpisasaka amin’ny aiko.
Mangina, mitonia!
Tsy very izay natao.
Ny valin’ny fitia?
Atolotro ho anao…
Mba satrinao ihino:
Ny foko koa mba babo.
Izaho no hanadino?
“ambadiky ny adabo…”
Malalako, lalaiko,
Velona ato anatiko.
Mpisasaka amin’ny aiko
Mandram-pahafatiko!
Vony tsara bika
Mandrava-jaridaina,
‘Ndeha laingosantsika
Ho santatra maraina.
Maraina vaovao
Mampando ny fitia,
Izaho re, tia anao e!
Ka dia matokia!
Matokia, satria,
Ny antsika ho doria!

JJF (Jean Jacques Fredi)
08 Sept 2013

Sokajy : Fitiavana

Hametraka hevitra

Midira aloha