SARY... (JJF (Jean.Jacques.Fredi))

Nantsain'i
(Nalaina tao amin'ny vetso.serasera.org)
Rehefa vitako tan-tratrako
Dia niondanako ny alina
Isan' andro zary vatrako
Ny misaina anao ... ka lalina !

Mafy loatra angaha?...Tsy haiko !
... Ny figodon' ny fitiavako ?
Fa tsy mitony izany saiko
Raha tsy voatohoky ny vavako
' Zato sarinao mianjaika
Tony sy malemy paika.

'Nefa ianao fa mbola an-tsary
Ianao d' ianao fa hafa lasy
Ka ny foko no marary
Rehefa injay voahisy tasy
' Zato sarinao mifatratra
Eo am-pototry ny lafatra

Fa io no hany mba fijery
Toa silak' aina hivelomako
Rehefa izaho ka manirery
Ho fanafody ivelomako.


JJF (Jean Jacques Fredi)
07/11/13
--------
Rohy:
Sokajy : Fitiavana
487 0
Hametraka hevitra
Midira aloha
Momba ny tononkalo
Mpanoratra : JJF (Jean.Jacques.Fredi)
Nampiditra : prismlinecontact
Daty : 22/08/2019 09:08
Antsantononkalo
Nantsain'i
© Eugene Heriniaina - serasera.org 1999 - 2024 - page load 0.0104