ADALA (hono) (KIRIAH )

Mbola tsisy niantsa

Hangataka antsa
(Nalaina tao amin'ny vetso.serasera.org)
Henoko ny fosan ' ny MASOANDRO nitantara
Haninkeheo maraina
tamin ' ny rivotra nifofo
fa isika (hono) adala
adala tsy ampy saina ,
niray tsikombakomba tamim-bolana sy kintana
dia lasana nirifatra
nitety ny abakabaka
Tsy vizan ' hazakazaka,
nirediredy foana
nihira sy nihanjaka...

Ny zavatra tsy fantany :

Isika tsy matahotra ny harika sy hantany...
na mbola ho avy koa aza ny ditra sy ny satany
handao indray ny tany dia hanakona ny tavany
Mantsy ho'aho tsy tazany
ny anatintsika sambatra
Mirehareha manandratra fitiavana hafa loko
Madio sy tsy azon-doto !
Ka n' inona holazainy sy amoronany tsikera
Ny antsika mafy fototra ka sanatria hianjera

Henoko ny fosan ' ny MASOANDRO nitantara
Haninkeheo maraina
tamin ' ny rivotra nifofo fa isika (hono) adala
adala tsy ampy saina ,
Mailaka sy kinga nanaraby sy nitsara
Angamba te handrara
Ny lahatra sy anjara mifehy ny manana aina?

KIRIAH
--------
Rohy:
1671 0
Hevitra mandeha
FENOSOA2 ( 08/03/2013 10:08)
Slt?Tratrin fetiny 8mars e! Tohizo aky fa tsara a! Sd tsk malagasy ko ng mb mahay zavatra ts hambkany hafa.mztoa dhl
kiriah ( 30/06/2013 12:19)
miala tsiny rah izao vao mamaly e! : misaotra betsaka
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0101