ANJOM-PITIA (KIRIAH )
(Nalaina tao amin'ny vetso.serasera.org)
Misy tia any : izay maniry ny fitiavakoDia misy tiako koa: fa tsy natao ho anjarako
Misy iray miandry ny ho tiako tahaka anao
Misy ahy miantso ny mba hotiavinao
Misy anao mitia fa saingy tsy izaho
Misy azy tia kanefa tsy ho anao
Misy koa ilay tiany iriany tsotr'izao
Hitia azy mafy toy ilay fitiavanao
....
Misy manome fa saingy tsy hay raisina
Misy koa tolorana fa saingy tsy mandray
Misy zara-vintana miandrandra fifandraisana
Misy fo mivavaka miangavy anao ry Ray.
Misy zara-lahatra sy ariky ny fiainana
Karazan' afo be navela hivaivay
Anjon' ny fitiavana ka tsy azonao itarainana
Fa rehefa io no tapaka dia ekeo aloha hoe : IZAY
...
Fifanojoana angamba no andrasan'izy ireny
Fifandraisan-tanana mialohan' ilay : ENY!
Misy AHO, Misy IANAO, Misy IZY IREO...
KIRIAH
--------
Rohy:
https://vetso.serasera.org/tonokalo/kiriah/anjom-pitia
Hevitra mandeha
AINA77
(
08/03/2014 14:29)
zany ah milay kosa e
kiriah
(
06/05/2014 16:24)
Zany hono e!
Malalason
(
24/05/2014 08:05)
tsy sanatria hoe mianjona ilay fitiavana fa izay mihitsy ny natiora nanaovana azy, tsy misy tsirony izy raha vao tena mifanaraka loatra fa tahaka io voasoratr'i Kiriah io izy tena shaaara be tsy mety lany tsiro.
andry 1000
(
26/03/2015 06:54)
misy angano arabo izay miteny hoe nalefan'andriamanitra tety antany hono ny zanany lahitokana mba hitady ilay sila-panahiny fa raha tsy hitany io tsy ho tafody any an-danitra izy... fa mino za efa hitany 'lay izy fa efa taonjato marobe no nitadiavany azy vao hitany.. tsara be le tononkalon'i KIRIAH. Mankasitraka e!
