ATAO AHOANA ? (KIRIAH )

Mbola tsisy niantsa

Hangataka antsa
(Nalaina tao amin'ny vetso.serasera.org)
Atao ahoana no filaza ny asan' ny fitiavana?
toy ny boi-drano eny an-tany ngazana.

Atao ahoana no fandrefy ny heriny ao ampo?
zay toa balisama manamaivana ny fo.

Atao ahoana ny hanazava sy filaza amin ny hafa?
ilay afo ao ampo manosika hitafa.

Atao ahoana no fandrara reo zay tia mafy loatra?
ka hampangina izany ...hatory tsy hitroatra.

Atao ahoana no fananatra ireo adalan' ny fitiavana?
reo zay mahafoy tena sy manadino havana.

Atao ahoana no hanasitrana ireo ferin' ny fitia?
ka reo nandràtra sy nandrava hadino ho DORIA.

Atao ahoana no fitsabo reo zay tia, jangijangy?
fa satriny aza ho torana, ho faty, sy ho dangy.

Atao ahoana ny hampionona ireo nilaozan-tiana?
feno ratram-po , tomany lava , farariàna.

Atao ahoana no hanakombona ny vava tsy hilaza?
ity FITIA mpanadala ireo LEHIBE sy ny ZAZA.

Atao ahoana no fitondra ny FITIA mba hahasambatra?
ka ho amboaran-tononkalo no hiarahana manandratra.


KIRIAH
--------
Rohy:
1588 0
Hevitra mandeha
pisokelinah ( 30/10/2010 07:48)
tsara beuh!!!!
kiriah ( 01/11/2010 14:55)
merci beuh !!!!
Manahirana29 ( 05/11/2010 23:09)
tsy ratsy !!
godfrey ( 19/01/2011 21:55)
Marina zan atao ahoana mou
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0137