You are here: home > Vetso

DIDIN NY AMPITSO - KIRIAH

Azo vakiana?

Vaky sely ny safidiny
Resy lahatry ny didin' ny ampitso miantso nofy
Tsy ny lasa no farofy tsy ampy Hery ho enti-miady
Fa ny antson'ny ho avy no injao misarika azy
Tsy hitodika any aoriana
Hanohy ny dia ampitsikiana
Saingy kosa iry vimbininy irony tsiaron' ny fahininy
Ho saran-tanana fanasina
Ho fanomezana ho an'i masina.

Foa foa !!! masina ity !

Misandrata fahasoavana
Ho tody soa ianao rahavana
Eny an-dalam-piainanao
Soava tsara zay atao dia tsy ho azon-java-tsampona
Ny fanambinana aoka hanatona

Andalan-tsielam-pahasitranana
Tsy mitaky hasin-tanana
Fa vitan-tsara mira zotra amin'ny iretsy vaka-miarina
Tsarava soa ny fitahy mitsiritsirika antokonana
Hanafa-bela, hanafa-besatra izay mety ho fanozonana

Tsy mahazo mihinana voantomany
Tsy mahazo mandika alahelo
Fa kosa mahazo mitafy fahatsiarovana.
Ndao mandeha dia aza...

KIRIAH