ENTO AHO (KIRIAH )

Fa ny fanahinao
no hindramiko hitondra
na 'ray segondra monja :
ny hetaheta anatiko
hisidina ny lanitra ,
tsy hamangy an ' Andriamanitra
fa kosa hanavatsava
Iny habakabak ' iny !

Hijery ny tontolo
hanenjika an ' i AMPOKA,
hikatsaka an ' i HENIKA
Hikaroka an'i LAFATRA

Ento any aho rahavako
fa manin-te hanakatra
Ny refin-kasambarana
Mitohy ka tsy mifarana
ILAY : FANAHIM-PITIAVA­KO

Ô! Mamy f'efa tazako
Izany anilanao
Ka satriko izy izao
Hiainana tanteraka
Raha entinao fanahy!
Tsy hahalala reraka
Ho lavitra ahiahy
Na tapitra ho voatety
Ny velatr'habakabaka
Raha toa ianao ka mety!
Ento aho hiazakazaka

HANJOHY ANAO DORIA

KIRIAH
--------