TARATRA FITIA (KIRIAH )

Misisika maraina mandroaka haizin-dratsy
milafika ao anaty
ilay TARATRA FITIA
ka ny zavom-pahasorenana milaza ho tsy hay lembenana
ataony indray mitanika
asesiny an-kobay
afatony ho iray amin ny faharesen ' ny alina
ataony indray mamalona
dia hitambalambalana anaty fara-lavaky ny :
" AOKA AHO HITIA " sy ny " AOKA HO HITAKO ENY " ,
ireny rehetra ireny.

Ny fitiavana hery miafina
mihaika ny mahery
ny fitia mistery tsy voarefin ' ny fijery.

Indreo POETA maro
miara-miondrika avokoa
dia indreo mikaon-doha
mitady irony lafatra
hampitàna sy hilazàna
any am-pon ' izay mitia
ny hoe : ....fanahy mifangia

ENY!!! :

Indreo POETA maro no indray maminany
ka MITSIKY ny FITIA sy ny TARA-PAHAZAVANY.

KIRIAH
--------