You are here: home > Vetso

TSY MAINTSY MISY IRAY - KIRIAH

Azo vakiana?

TSY MAINTSY MISY IRAY

Tsy maintsy misy IRAY
Mandoa ireo HETRA 'zay takian'ny tantara
IRAY misaina tsara
Hampisy hasambarana ao ampon'ilay sitranina
IRAY mahatsambikin'ity hantsana hodinganina
IRAY mahay mangataka
Mahay mandresy lahatra
Raha toa hiseho vatana anatrehan' i Fitiavana
Fa hisy ny ady varotra
Ary hisy ady sarotra...

IRAY mba tena matotra

Tsy maintsy misy IRAY
Mahay manetry tena
Ho tonga zanak'ondry tsy manana kilema
Iray atao fanatitra
Fanatitra ho dorana amin'ny afo ho tonga sorona
Sorona voafantina
Mba tsy hisian'ny sampona

KIRIAH