raoviana (masofahatelo)

Raovina ?

Fo mangorakoraka...
Molotra makiana...
Sandry te-hiantoraka
Miandrandra anao ry tiana.


Embon-tsasak'alina...
Tsiaro mampanavy...
Adin-tsaina lalina
Miandrandra anao ho avy.

Fo mamelovelo...
Endrika tomany...
Fitia tsiambaratelo
Miandrandra teny mamy.

Maika te-hiantsoroka
Ny adadiko rahavako!...
No maika koa hanoroka
Ny molotrao FITIAVAKO.

Rahovina ihany lahy
Satria fitia vaovao
Fa mila hanafotra ahy
NY ALAHELO ANAO.

masofahatelo!
--------