MPIVAHINY Eto an-tanim-pa (Mazavatsinana)

MPIVAHINY
Eto an-tanim-pandalovana
Eto isika mivahiny
Miandry ny ora hahalovana
Ny fotoana hikipiany.

Mpivahiny isika izao
Tsy hitoetra fa handao
Vovon-tany novolaina
Zara mana-sombin'aina.

Ny entan-kely mba lanjaina
Tsy hitondrana mody akory
Ny fahoriana izay heverina
Tsinontsinona tsy akory.

Tsy afa-mihetsika ny tanana
Tsy mahita ireo maso
Fa ny hany mba fananana
Henatra sy ranomaso.

Mpivahiny marina aho
Mpandalo fa tsy mponina eto
Tonkan-tena anaty ankaso
Novolaina mba hisento.

Mpanoratra:Mazavatsinana
--------