Zandrikely - Mazavatsinana

Azo vakiana?

Zandrikely...
Any ianao zandry tiana,
Any ambadiky ny lasa
Namonjy lay ankany fodiana
Mitsotra lava tsy mitraka.

Any ianao ka nandao
Ty tanänakelintsika,
Mievo-tany maimbo lao
Ka nahatsiaro aho; nitanisa
Ny sarin'endrikao no sisa.

Nitamberina tsy nahy aminao ny fanahy,
Fa nitsingerina androany
Ny niavianao teto an- tany
Ka ontsa fo feno ahiahy.

Soava dia razandry mamy
Misidìna any an-drahona
Na dia tsampako fa vahona,
Ny sentom-bavako tsy lany
Hisioka hoanao any am-pasana
Ka mandria am-piadanana.

Mazavatsinana:15-05-17

Hevitra mandeha

niyaridan06 (13/12/2017 08:10:38)

tena mahaontsa tokoa saingy atao ahoana fa izay ny fiainana,tsy natao an-dahatra isika fa natao halahatra.TSARA LAY ASA SORATRAO RANAMAKO

TRRV (13/12/2017 17:03:11)

Tantely amam-bahona tokoa ny fiainana.Misaotra anao tamin'ny toraka voninkazo.

Mombamomba

Mpanoratra : Mazavatsinana

Nampiditra : TRRV
Daty : 12/12/2017
Mpamangy : 806
Mankafy : 1

Tononkalo hafa

Tsy habembona aho
Hoahy ianao
MPIVAHINY Eto an-tanim-pa
an-tany lavitra
Ho anao
Soratra
Sorona
Misosa
Ny lasako