Mahaleova mahalasana ! - Miolapandry
Azo vakiana?
Aoka ho fantatrao, fa ianao lasana iny
Tsy iantsoako tody, na koa omena tsiny
Fa hoentina ambavaka, sy tena hotsofindrano
Hahita izay tadiavina, haharin-tokantrano.
Di’ aleo hivalona any ny omaly sy ny lasa,
Ataovy toy ny nofy ny zava-nokinasa.
Aza arahin-tsento ny tsy efa sy tsy vita
F’aleo hifarana eto ny mombamomba antsika
Raha toa mbola mandindona ny avelon’ ny fitiavako
D’izao no torohevitra omeko anao rahavako
Handory fatobolo amin’ ny fahasambaranao
Fa ho levona tsy ho hita ary hisinda sy handao
Manana ianao finoana, mereza koa mivavaka
Fa hany andro iray, mbola hisy olona hiavaka
Hangataka anao mba ho haingon’ ny akaniny
Hiangavy anao hitsetra sy hafama ny tomaniny
Miolampandry
Hametraka hevitra
Midira alohaMombamomba
Mpanoratra : Miolapandry
Nampiditra : Miolapandry
Daty : 26/03/2013
Mpamangy : 1570
Mankafy : 0
Tononkalo hafa
TSY AFAKA MANKAIZA…..Ndehana mahazo !!!
Vahatrinihoavy....
Tafasirin'ny Mpangalatra
Ny Soratro ?
Ny tarigetram - piainako !
Vavaky ny tia
Anjelin'ny...foko
