Ny tarigetram - piainako ! - Miolapandry

Azo vakiana?

Ny tarigetram - piainako !

Kepoka aho malala
F’ ianao ‘lay olon-tiako
Tokako aman - tany,
No indro niova lalana
Namily ny tantara
Ho any an - davaky ny ditra !

Tsy hitako ny ambara,
Fa tena toa mangidy
Tsy laitrako atelina
Ny tsiron’ ireo ratra
Natosaky ny jaly
Maningotra ny foko,
Noho ny zava - bitanao !

Dia tsy nisy ve
Ny lalana mahitsy
Mba azonao nialana
‘Rony fotaka malama ?

Sa ianao mihitsy
No te hanova lasy
Hanandran-java-kafa
Fa leo ny miara-miaina
Ato anaty trano bongoko ?

Nahita soa mamiratra
Sy fiainan-drentirenty
Ao anaty rendrarendra
Ka zary toa nanitsaka
Ny rovi-boridambako ?

Misaotra anao malala
Fa izaho no tena adala !
Diso sady meloka
Fa toa minia mitrifana
Sy koa manakantsakana
Ny fanirinao mafy
Hiankina eny an-tratrany !

Etsy zory zany dia
Fa ny fahasambaranao
No tena foto - pandreseko !
Sy tarigetram-piainana
Niriko hatramin’ izay.

Miolapandry

Hevitra mandeha

Mitantsotia (02/04/2013 15:15:32)

Tsara ny asa-soratrao :-)

Hametraka hevitra

Midira aloha

Mombamomba

Mpanoratra : Miolapandry

Nampiditra : Miolapandry
Daty : 25/10/2012
Mpamangy : 1015
Mankafy : 0

Tononkalo hafa

TSY AFAKA MANKAIZA…..
Ndehana mahazo !!!
Vahatrinihoavy....
Mahaleova mahalasana !
Tafasirin'ny Mpangalatra
Ny Soratro ?
Vavaky ny tia
Anjelin'ny...foko