BABO (mlanto)
Mbola tsisy niantsa
(Nalaina tao amin'ny vetso.serasera.org)
BABO Babo ny fo
Resinao tanteraka
Tsy afa-miala fa vo
Torovana sy reraka
Babo, manaiky izay atao
Na fo izany na saina
Satria ny fitiavana efa resinao
Sady nofihininao tsy nozaraina
Babo, toa ngaba te-hiala
Fa misy zava-mikaly
Dia ilay fitiavana toa adala
Izay tsy mety ritra na ho lany
Babo tena babo
Misy fefi-pitia manodidina
Na dia toa te hiarina fa lavo
Ilay fitiavana izay sasa-mitsingidina
mlanto R.M
--------
Rohy:
Sokajy :
Fitiavana