ENDRIKA (mlanto)

ENDRIKA


Endri-java-voamboatra satri-banjinina
Kanto loatra tiana alaina ho fihinina
Ka tsy hivotsotra ao am-po sy an-tsaina
Na alina izany, na atoandro na maraina

Fa dia endri-javatra tena lafatra
Raha zahavina ihany koa dia voakolo fatratra
Endrika mampisy fakam-pitia ao anaty
Tsy mambotry fo na halany vatsy

Mavelom-bolo ny fandinihana ilay endrika
Sady mandrotsirotsy toy ny sambo-pitia tsy ho rendrika
Satria tena hafa re izany raha hatsarana
Tsy mampandao ny maso fa mahatamana

Endri-javatra tena mahavariana
Tsy mampatorim-pitia na koa mahasondriana
Fa dia endrika tena endrika hafa-kely
Tsy hay angamba mety ho anjely.

… ny endrikao ….

Mlanto R.M
--------