Fanomezan'olon-tiana (Nalison Randrianaivo)

Fanomezan'olon-tiana

hitsingerina ity ilay andro
nanomezanao ahy an'ity
ity famantaran'andro
ho marika fa tena tia

tsy hanaovako isan'andro
tsy tiako ho simba sy haloto
ity famantaran'andro
tany amin'ny malalan'ny foko

tsy ho hentiko mandehandeha
tsy foiko sao ho very
ity izy tsara tarehy
izay natokany ho ahy irery

nataony tsara fono
ka natolony ho ahy
mba ho mafy tsy voavono
ilay fitia tsy hampanahy
--------