Mba lazao (Nalison Randrianaivo)

Mba lazao

Fa nahoana re ianao?
no milatsa-dranomaso
mitomany toy izao
noho ny an-kaso?

Fa toa miady saina
sy malomalo-kendrika
ka te hitaraina
mitady ho rendrika

fa inona no mahazo
mba lazao raha azo atao
fa ianao ity toa malazo
ka mitady ho lao

amin'ity fiainana ity
ka mitady mania
mba lazao rey
fa anampy anao aho
ny tompo anie
hanampy sy hitahy
--------